Shahmattan ÁCh: Magnýs Karlsenniń birinshi partııaǵa nelikten keshikkeni belgili boldy
«Magnýs Karlsen Qazaqstanǵa jarys bastalardan eki kún buryn keldi. Biz qatysýshylar úshin Medeý jáne Shymbulaqqa arnaıy ekskýrsııa uıymdastyrdyq. Onyń ishinde Magnýs Karlsen de boldy. Biz ony Shymbulaqtyń eń bıik shyńy - 3 200 metrge kótergen kezde, ol taýlardy kórip, oǵan órmelemek boldy. Sol jerde ol bizge óziniń fızıkalyq daıyndyq deńgeıin kórsetti. Karlsen taýǵa órmelegen joq, kerisinshe ol taý shyńyna qaraı júgirdi. Biz onyń jyldamdyǵyna ilese almadyq. Al kelesi kúni ol bizden kólik surap, taýǵa qaıta attandy. Shymbulaqtan jarysqa qaıtý kerek bolǵan kezde, ol kólik keptelisine túsip qalǵan. Nátıjesinde ol birinshi partııaǵa keshigip keldi. Árıne, úlken ýaqyt aıyrmashylyǵymen keshikti. Bul blıts partııada Magnýs Karlsen de 29 sekýnd, al qarsylasynda 3 mınýt boldy. Degenmen qazirgi álem chempıony bul partııada jeńiske jetti», - dep toqtaldy Qazaqstan shahmat federatsııasynyń vıtse-prezıdenti Dármen Sádýaqasov OKQ-da ótken brıfıngide.
Eske sala keteıik, byltyr Almaty qalasynda 25-30 jeltoqsan aralyǵynda shahmattyń rapıd jáne blıts túrinen álem chempıonaty ótken bolatyn.