Shahmattaǵy janjal: Magnýs Karlsenge $100 mln talap qabyldanbady

SENT-LÝIS. QazAqparat – Sýdıa 19 jastaǵy shahmat grossmeısteri Gans Nımmannyń talabyn qanaǵattandyrmady. Ol alaıaqtyq jasady degen aıyptaýlardan mansabyna zııan tıdi dep kinálaǵan bolatyn. Bul týraly QazAqparat The Guardian-ge silteme jasap habarlaıdy.

Ótken jyly Hans Nımann burynǵy álem chempıony Magnýs Karlsendi jáne Chess.com onlaın shahmat uıymyn sotqa berdi. Ol jala japqany jáne jábirlegeni úshin 100 mln AQSh dollary kóleminde ótemaqy talap etti.

Sent-Lýıs federaldyq sotyna berilgen talapta Nımann Neman Karlsen men Chess.com onlaın oıyn platformalaryn biriktirý arqyly monopolııaǵa qarsy zańnamany buzǵany jáne oǵan onda oınaýǵa ruqsat etpegeni aıtylǵan.

Seısenbide AQSh okrýginiń sýdıasy Odrı Fleısıg Nımannyń talaptaryn negizsiz dep tapty. Ol sondaı-aq jala jabý jáne qorlaý týraly aıyptaýlardy joqqa shyǵardy, óıtkeni olardy qaraýǵa quzyreti joq, dep habarlady St. Louis Post-Dispatch.

Nımann talap aryzdy ótken jyly Sent-Lýıste Sınkfıld kýbogynda Karlsendi jeńip, shahmat álemin dúr silkindirgennen keıin berdi. 19 jastaǵy shahmatshy Karlsennyń rekordtyq jeńis serııasyn úzdi. Karlsen sodan keıin Nımandy alaıaqtyq jasady dep aıyptady, keıin ol týrnırge qatyspady.

Nımann alaıaqtyq jasady degen aıyp taǵylǵannan keıin oǵan týrnırlerge qatysýǵa tyıym salynǵanyn, onyń matchtary toqtatylǵanyn jáne bedeldi shahmat mektepteri ony jumysqa almaǵanyn aıtty.

Karlsenniń advokaty Kreıg Reızer Nımannyń talabyn «laıyqsyz paıdany qaıtarý áreketi» dep málimdedi.

Chess.com shahmat onlaın uıymy amerıkalyq tóreshiniń sheshimin quptap, shahmat álemin dúr silkindirgen qaıshylyqtyń aıaqtalǵanyna jáne endi barlyq taraptar shahmat oıynyn damytýǵa nazar aýdara alatynyna qýanyshty ekenin atap ótti.

Nımannyń advokattary shtat sotyna jala jabý jáne qorlaý týraly shaǵym túsiretinin málimdedi.