Shahmatshylarymyzǵa qandaı qoldaý kórsetip otyrmyz

NUR-SULTAN. QazAqparat – Álemdik týrnırlerde eldiń atyn shyǵaryp júrgen shahmatshylarǵa ózge sport ókilderine kórsetilgendeı qoldaý qarastyrylǵan ba? Ortalyq kommýnıkatsııalar qyzmetinde ótken brıfıngide Sport jáne dene shynyqtyrý isteri komıteti men Qazaqstan shahmat federatsııasynyń ókilderine osyndaı suraq qoıyldy, dep habarlaıdy QazAqparat tilshisi.

«Jansaıa – áıelder shahmatynyń jetekshi grossmeısterleriniń biri. Memleket tarapynan tek Jansaıaǵa ǵana emes, erler, áıelder, balalar men jasóspirimder quramalaryna naqty qoldaý kórsetiledi. Sportshylarǵa tólenetin stıpendııalar bar. Federatsııa tarapynan sportshylarymyzdy Qazaqstannyń jetekshi shahmatshylarymen birge oqý-jattyǵý jıyndarynan ótý úshin halyqaralyq jarystarǵa jiberý úshin qarajat izdestirip otyramyz», - dedi Qazaqstan shahmat federatsııasynyń dırektory, halyqaralyq grossmeıster Ánýar Esmaǵambetov.

Sport jáne dene shynyqtyrý isteri komıtetiniń tóraǵasy Serik Sápıev bolsa, Mádenıet jáne sport mınıstrligi tarapynan shahmat federatsııasyna naqty qoldaý qarastyrylǵanyn atady. Onyń aıtýynsha, bıyl federatsııa jumysyn qodaý úshin bıýdjetten 32 mln teńge bólý josparlanǵan. Bul – jyl saıyn shahmatty qoldaýǵa bólinetin qarajattyń naqty kólemi.

Buǵan deıin habarlaǵanymyzdaı, Memleket basshysy Qasym-Jomart Toqaev Jansaıa Ábdimálikti FIDE Gran-prıindegi jeńisimen quttyqtaǵan bolatyn.

Eske salsaq, atalmysh týrnırdegi jetistigi úshin otandasymyz erler arasyndaǵy halyqaralyq grossmeıster atandy.