Shahmatshy Jansaıa Ábdimálik turmys qurdy
Halyqaralyq shahmat sheberi qýanyshty habarmen Instagram-daǵy paraqshasynda bólisti. Belgili bolǵandaı, kúıeý jigit – «Qazaqmys korporatsııasy» JShS basqarma tóraǵasy, 34 jastaǵy Nurahmet Nurıev.
«Barǵan jerińizde baqytty bolyńyz! Búgin otandyq shahmattyń maqtanyshy, grossmeıster Jansaıa Ábdimálik turmys qurdy. Jas otbasyǵa baqyt, bereke tileımiz!», - dep quttyqtady Qazaqstannyń shahmat federatsııasy.
Aıta keteıik, Jansaıa Danııarqyzy Ábdimálik 2000 jyly Almaty qalasynda týǵan. Ol bes jasynda shahmat oıynynyń erejelerin úırendi, al jeti jasynan shahmat mektebinde jattyqtyrýshy Nıkolaı Peregýdovtyń jetekshiligimen oqydy. 2007 jyly qańtarda óz jasyndaǵy qyzdar arasynda Qazaqstan chempıony atansa, 2008 jyly da 8 jasqa deıingi álem chempıonatynda 10/11 nátıjemen jeńimpaz atandy. Al 2011 jyly 12 jasqa deıingiler arasynda 8/9 upaı jınap, áıelder arasynda halyqaralyq sheber ataǵyn aldy, qyzdar arasyndy álem chempıony atandy.
2021 jyly Qazaqstan Respýblıkasynyń Prezıdenti Qasym-Jomart Toqaev Jansaıa Ábdimálikke «Qurmet» ordenin tabys etti. Al 2022 jyly jańadan qurylǵan Almaty shahmat federatsııasynyń qurmetti prezıdenti atandy.
Tamyz aıynda shahmatshy qyz 2022 jylǵy Dúnıejúzilik shahmat olımpıadasynda alǵashqy taqtalar arasynda qola júldeger atandy.
