Shahmatshy Jansaıa Ábdimálik Almatydaǵy praımerızde eń jas kandıdat boldy
Onlaın- kezdesýdi ashqan Almaty ákimi, «Nur Otan» partııasy Almaty qalalyq fılıalynyń tóraǵasy Baqytjan Saǵyntaev Almatyda tórt kúndik daýys berýge 43 008 nurotandyq qatysqanyn, bul - qaladaǵy partııa músheleriniń jalpy sanynyń 73%-yn quraıtynyn atap ótti.
Partııaishilik irikteý ıdeıasy kópshiliktiń qyzyǵýshylyǵyn týdyrdy, óıtkeni tirkelgen kandıdattardyń 54% ózin-ózi usynǵan, al 46% megapolıstiń segiz aýdanynda ornalasqan bastaýysh partııa uıymdary usynǵan.
Qalalyq fılıal tóraǵasynyń birinshi orynbasary Stanıslav Kankýrovtyń aıtýynsha, praımerızdiń eń jas qatysýshysy - 20 jastaǵy shahmatshy, halyqaralyq sheber jáne áıelder arasyndaǵy grossmeıster Jansaıa Ábdimálik bolsa, eń úlken qatysýshy – 69 jasta.
Almatydaǵy praımerızdiń basty aıyrmashylyǵy - medıa tulǵalardyń kóp qatysýy. Olardyń ishinde belgili jýrnalıst Sergeı Ponomarev, bloger Meıirjan Tórebaev, Qazaqstannyń eńbek sińirgen qaıratkeri Jámılıa Serkebaeva, telejúrgizýshi Qaragóz Súleımenova, dızaıner Aıda Qaýmenova, paralımpıadashy Serik Esmatov jáne basqalar bar.
«Praımerızge 50-ge jýyq jańa tulǵalar qatysty, onyń ishinde 25 áıel jáne 35 jasqa deıingi 16 jas adam. Bul óte jaqsy nátıje dep esepteımin, sebebi partııaishilik irikteýdiń ózi áýel bastan partııany jańartýdy kózdegen», - dep atap ótti S.Kankýrov.
Osylaısha, praımerızdi ótkizý nátıjesinde Almaty boıynsha kandıdattardyń ortasha jasy 43 jasty qurady, al qazirgi qyzmettegi depýtattar arasynda ortasha jas - 52 jas.
Eger kandıdattardyń kásibı salasy týraly aıtatyn bolsaq, onda Almatynyń shaǵyn jáne orta bıznes sýbektileri ókilderiniń sany boıynsha kóshbasshylyǵyn eskerý qajet. Praımerızden ótken kandıdattardyń 45% – y-bıznes qurylymdardyń ókilderi. Bul rette úkimettik emes uıymdar men etnomádenı birlestikterdiń qatysýshylary da shette qalǵan joq.
Esterińizge salsaq, úgit-nasıhat jumystarynyń barlyq kezeńinde praımerız kandıdattarymen-partııalastarmen 5 myńǵa jýyq kezdesý ótkizildi, 40-tan astam debattyq týrnırler ótkizildi, qatysýshylarmen kezdesýler aıasynda 150 myńnan astam adam qamtyldy.
Almatydaǵy praımerızdiń ereksheligi - árbir almatylyq úmitkerlerge suraq qoıa alady, ol úmitkerlerdiń de, partııanyń aýdandyq fılıaldarynyń da resmı akkaýnttarynda habarlama qaldyrý arqyly múmkin boldy.
Sonymen qatar, úgit-nasıhat sharalary barysynda kandıdattar men «Nur Otan» partııasy Almaty qalalyq fılıalyna qalalyqtardan áleýmettik máseleler, kólik, ekonomıka, azamattyq qoǵam, quqyq qorǵaý júıesi, ekologııa,turǵyn úı kommýnaldyq sharýashylyq máseleleri boıynsha 800-den astam usynys kelip tústi.
Onyń 200-den astamy Almaty qalalyq fılıalynyń aldaǵy 5 jylǵa arnalǵan saılaýaldy baǵdarlamasynyń jobasyna engizildi.
