Shahmatshy Dınara Sádýaqasova álemdik reıtıngte 23-orynǵa kóterildi
ASTANA. QazAqparat - Shahmattan álemniń tórt dúrkin chempıony Dınara Sáýdaqasova álemdik reıtıngte 23-shi orynǵa taban tiredi, dep habarlaıdy «QazAqparat» HAA tilshisi.
Bul týraly OKQ-da ótken baspasóz máslıhatynda Dınara Sáýdaqasovanyń ózi habardar etti.
«Shahmattan álemniń eń myqty shahmatshylarynyń tiziminde 23-shi orynǵa kóterildim. Barlyq jeńisterimniń uıytqysy - halqymyzdyń qoldaýy. Kóptiń jankúıerligimen budan da bıik asýlardy baǵyndyrarmyn degen senimdemin», - deıdi shahmatshy.
Atalǵan kórsetkish Qazaqstan men Ortalyq Azııa shahmatshylary arasynda eń joǵarǵy reıtıng bolyp otyr.
Aıta ketsek, Dınara Sádýaqasova shahmat oınaýdy bes jasynda úırengen. Jarystarǵa on jasynda qatysa bastaǵan. Qazaqstannyń áıelder arasynda eń jas grossmeıster ataǵyn 2012 jyly 16 jasynda jeńip alǵan. Dınara «Batyl bala», «Aq at», «Memorıal P.Izmaılova» (Reseı), «H. Omarovany eske alýǵa arnalǵan saıys» (Qazaqstan), «G.Agzamovany eske alýǵa arnalǵan saıys» (Ózbekstan), «Memorıal L. Rýdenko-2009» halyqaralyq týrnırleriniń birneshe dúrkin chempıony.
