Shahmatshy Qazybek Nógerbek 20 jasqa deıingiler arasynda álem chempıony atandy

ASTANA. KAZINFORM — Qazaqstandyq Qazybek Nógerbek 20 jasqa deıingiler arasynda álem chempıony atandy.

Dúbirli doda 2-13 maýsym aralyǵynda Úndistannyń Gandınagar qalasynda ótti.

Oǵan dúnıejúzinen 123 qatysýshy keldi. Olardyń qatarynda 3 grossmeıster jáne 28 halyqaralyq sheber baq synady.

Álem chempıonatynda ekinshi oryn armenııalyq Emın Ohanıanǵa buıyrsa, úzdik úshtikti serbııalyq Lýka Býdısavlevıch túıindedi.

Qazirge deıin mundaı jetistikke elimizden úsh shahmatshy qol jetkizdi.

Atap aıtqanda, Dármen Sádýaqasov — 1998, Dınara Sádýaqasova — 2016, Jansaıa Ábdimálik — 2017 jyly jeńis tuǵyrynan kóringen. 

Eske salsaq, budan buryn Almatyda shahmattan 26-shy jasóspirimder arasyndaǵy Azııa chempıonatynyń saltanatty ashylý rásimi ótken edi.

Týrnırge Azııanyń 34 elinen 7-18 jas aralyǵyndaǵy 650-ge jýyq jas oıynshy jınaldy.