Bıbisara Asaýbaeva Cairns Cup 2026 týrnıriniń qola júldegeri atandy
ASTANA. KAZINFORM – Búgin AQSh-tyń Sent-Lýıs qalasynda álemniń úzdik shahmatshylary bas qosqan bedeldi Cairns Cup týrnıri aıaqtaldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Bıyl myqty 10 shahmatshy qatysqan dodada Qazaqstan namysyn grossmeıster Bıbisara Assaýbaeva qorǵady. Otandasymyz týrnırdegi 9 týrdan keıin 5 upaı jınap, 3-orynǵa ıe boldy.
Júldegerler:
1-oryn Tan Chjýnı (Qytaı) 6,5 upaı
2-oryn Elıs Lı (AQSh) 6 upaı
3-oryn Bıbisara Asaýbaeva (Qazaqstan) 5 upaı.
Sonymen qatar Asaýbaeva júldeli orny úshin uıymdastyrýshylardan syıaqy retinde 35 myń AQSh dollaryn alady.
Bıbisara Asaýbaeva FIDE Excellence Awards syılyǵyna úmitker ekenin jazǵan edik.
