Shahmatshy Bıbisara Asaýbaeva álem chempıonyn jeńdi

Qazaqstandyq shahmatshy Bıbisara Asaýbaeva Grand Swiss 2023 týrnırinde qytaılyq Tan Chjýnıdi jeńdi. Kazinform bul týraly Sports.kz portalyna silteme jasap habarlaıdy.

Asaýbaeva osy jeńisiniń arqasynda 4,5/5 upaı jınap, jarysta kósh bastady. Aıta keteıik, Chjýnı – áıelder arasyndaǵy on altynshy álem chempıony.

«Men týrnır kestesine mán bermeýge tyrysamyn: oınaı bilgenimshe oınaımyn. Biraq búgingi oıyn erekshe boldy. Onyń birneshe júrisinen keıin jaǵdaıym nasharlady dep oıladym, biraq qalaı ekenin túsinbedim. Sondyqtan men «okeı, eger sen osylaı júrseń, maǵan ári qaraı ne bolatynyn kórset» dep oıynymdy jalǵastyra berdim. Keıin jaǵdaıym qalypty ekenin uqtym – aqylǵa qonymsyz, biraq qalypty. Saǵatta az ǵana ýaqyt qalǵanda tek eń jaqsy júristi izdeýge tyrystym», – dedi Asaýbaeva oıynnan keıin.