ShAHMAT: Jansaıa Ábdimálik 20 jasqa deıingi qyzdar arasynda ótip jatqan álem chempıonatynda kósh bastaýda
ASTANA. QazAqparat - Qazaqstandyq Jansaıa Ábdimálik 20 jasqa deıingi qyzdar arasynda ótip jatqan álem chempıonatynda senimdi kósh bastaýda, dep habarlady Vesti.kz.
RF Hanty-Mansııskide ótip jatqan álem birinshiligindegi jeti týrdan keıin Jansaıa jeti upaımen týrnır kestesiniń basynda keledi. Ábdimálik basym túsken sońǵy shahmatshy - azerbaıjandyq Gýnaı Mammadzade. Osy jeńisinen keıin otandyq shahmatshy basqa kóshbasshylardan edáýir ozyp ketti. Onyń sońynan alǵa shyqqandar ishinde Qazaqstannyń taǵy bir shahmatshysy - Dınara Sádýaqasova kele jatqanyn atap ótken jón. Ol aralyq nátıje boıynsha bes jarym upaımen úshinshi orynda.
Týrnırge 40 elden 106 úzdik shahmatshylar qatysyp jatyr. Foto s saıta chessacademy.kz
