Shahmat oınaǵandy jaqsy kóretinder arasynda onlaın týrnır ótedi
NUR-SULTAN. QazAqparat - Qazaqstannyń shahmat federatsııasy Halyqaralyq shahmat federatsııasynyń Checkmate Coronavirus bastamasyna ún qosty, dep habarlaıdy QazAqparat.
Bul jaıynda federatsııanyń Facebook paraqshasynda jarııalandy.
Yederatsııanyń málimetinshe, bul bastama karantınge baılanysty úıinde qamalyp otyrýǵa májbúr bolǵan barsha shahmatsúıer azamattarǵa shyǵarmashylyq áleýetin kórsetýge múmkindik beredi. Sondaı-aq, búkil álemge osyndaı qysyltaıań shaqta birlik pen yntymaq ıdeıasy bárinen mańyzdy bolyp qala beretinin kórsetedi.
«Joba qatysýshylary 2021 jyly Máskeýde ótetin Búkilálemdik Shahmat Olımpıadasyna 64 shaqyrtý jeńip ala alady. Bul shaqyrtý Olımpıada qonaqtarynyń búkil shyǵynyn jabady. Onyń ústine, shahmatshylardyń sývenır, sheberlik saǵatyna bılet, grossmeıstermen mını-match sekildi 1500 syılyqty jeńip alýǵa múmkindigi bar» delingen habarlamada.
Atalǵan bastama aıasynda 16 maýsym kúni chess.com platformasynda shahmat súıetin barsha azamattar úshin onlaın týrnır ótedi. Shara keshki saǵat 18:00 kezinde bastalady.
Týr sany - 9. Tirkeý saǵat 17:00-de bastalady. Týrnır «Kazakhstan Chess Federation» onlaın klýbynda ótedi.
