Shahmat Olımpıadasynda Qazaqstan erler quramasy kezekti jeńiske jetti

NUR-SULTAN. QazAqparat - Úndistannyń Chennaı qalasynda ótip jatqan Shahmat Olımpıadasynda elimizdiń erler jáne áıelder quramasy altynshy oıynyn ótkizdi, dep habarlaıdy QazAqparat tilshisi.

Bul joly erler quramasy Chehııany 2,5:1,5 esebimen súrindirdi.Qurama sapynda Arystanbek Orazaev pen Qazybek Nógerbek jeńiske jetse, Rınat Jumabaev teń tústi. Al, Álisher Súleımenov qarsylasyna ese jiberip qoıdy.

Olar buǵan deıin Lıvan men Latvııany 4:0, Qytaı Taıbeıin 3:1, Marokkony 2,5:1,5 esebimen jeńip, Tájikstanǵa 1,5:2,5 esebimen ese jibergen-di.

Al, áıelder quramasy altynshy týrda Ázerbaıjanǵa 1:3 esebimen jol berip qoıdy. Olar buǵan deıin Perý, Kýba men Belgııany 3:1, Gvatemalany 4:0 jeńip , Mońǵolııamen 2:2 esebimen teń tústi.