Shahmat olımpıadasy: QR erler quramasy 5 orynǵa kóterilip, qyzdar «úshtikten» ketti

NUR-SULTAN. QazAqparat – Úndistannyń Chennaı qalasynda ótip jatqan Dúnıejúzilik shahmat olımpıadasynda Qazaqstannyń áıelder quramasy reıtıngide tómendedi, dep habarlaıdy QazAqparat týrnırdiń resmı saıtyna silteme jasap.

Qazaqstannyń shahmatshy qyzdary qazirgi ýaqytta Olımpıada reıtınginiń 8-inshi pozıtsııasynda tur. Buǵan deıin el quramasy Úndistannan 0,5-3,5 esebimen jeńilgen edi. Atalǵan match aldynda Qazaqstan – úshinshi, Úndistan ekinshi orynda boldy. Úndistan komandasy QR quramasyn jeńgennen keıin reıtıngide kósh bastady. Aıta keteıik, bul shahmatshy qyzdarymyz úshin týrnırdegi ekinshi jeńilis. Buǵan deıin olar Ázerbaıjanǵa 1:3 esebimen ese jiberdi. Sońǵy – 11-matchta Qazaqstan Úndistanmen sheberlik baıqasady.

Al Qazaqstannyń erler quramasy búgin Horvatııany 3:1 esebimen súrindirdi. Bul jeńisten keıin qazaqstandyqtar reıtıngide 25-inshi orynnan 20-pozıtsııaǵa kóterildi. Sońǵy – 11-týrda elimiz komandasy Úndistanmen oınaıdy. Ázirge týrnır kestesindegi kóshbasshy – Ózbekstan.