Shahmat olımpıadasynda el namysyn kimder qorǵaıdy

ASTANA. KAZINFORM - Majarstan astanasy Býdapeshtte ótetin shahmattan 45-shi Olımpıada oıyndarynda el namysyn qorǵaıtyn sportshylarymyz belgili boldy.

10-23 qyrkúıek aralyǵynda ótetin básekede erler arasynda 196, áıelderden 184 memleketten komanda (barlyǵy 1896 sportshy) qatysady. Olardyń qatarynda qazaqstandyq shahmatshylar da synǵa túsedi.

Naqtyraq aıtsaq, erler arasynda Álisher Súleımenov, Qazybek Nógerbek, Denıs Mahnev, Ramazan Jalmahanov, Aldııar Ańsat el namysyn qorǵasa, áıelder arasynda Bıbisara Asaýbaeva, Merýert Kamalıdenova, Ámına Qaıyrbekova, Ksenııa Balabaeva, Alýa Nurman synǵa túsedi.

Olımpıada 9 raýndtan turatyn shveıtsarııalyq ashyq týrnır formatynda ótedi. Ýaqytty baqylaý 40 júris úshin 90 mınýt, sodan keıin oıynnyń qalǵan bóligine 30 mınýt beriledi. Bul kezde birinshi júristen keıin kelesisine 30 sekýnd beriledi.

Aıta keteıik, búkilálemdik shahmat Olımpıadasy 2 jylda bir ótedi. Osyǵan deıingi dodany Úndistannyń Chennaı qalasy qabyldaǵan. Sol kezde Qazaqstan áıelder komandasy (Bıbisara Asaýbaeva, Jansaıa Ábdimálik, Gúlishan Nahbaeva, Ksenııa Balabaeva, Nazerke Nurǵalı) 352 upaımen úzdik bestikti túıindedi. Jansaıa Ábdimálik 1-taqta boıynsha qola júldeger atanǵan.