Shahmat olımpıadasy: Qazaqstandyqtar Frantsııa quramasynan basym tústi

ASTANA. KAZINFORM – Majarstan astanasy Býdapesht qalasynda ótip jatqan shahmattan 45-shi Olımpıada oıyndarynda Qazaqstan quramasy chempıondyq ataqqa jaqyndap keledi.

QR Sportty damytý dırektsııasy atap ótkendeı, áıelder saıysynda qyzdarymyz 8-týrda týrnır kestesinde shamalas turǵan Frantsııadan (2355, №13) 2,5-1,5 esebimen myqtylyǵyn kórsetti.

Onda Bıbisara Asaýbaeva men Alýa Nurman qarsylasynan basym tússe, Ámına Qaıyrbekova teń oınady. Tek Merýert Kamalıdenova jeńilissiz kele jatqan Mıllıet Sofıege shamasy jetpedi.

Endi aldaǵy 9-týrda komandamyz basty favorıttiń biri Polshamen jolyǵady. Eger qarsylastarynan basym túsip jatsa, chempıondyq ataqqa qol jetkizýi múmkin.

Áıelder saıysyndaǵy keste (169 el):

1️. Polsha – 14 upaı

2️. Úndistan – 14 upaı

3️. Qazaqstan – 14 upaı

4️. AQSh – 13 upaı

5️. Armenııa – 13 upaı

Al erler arasynda bizdiń shahmatshylar Bangladesh quramasyn 3:1 esebimen utty. Qazybek Nógerbek, Álisher Súleımenov jeńiske jetse, Denıs Mahnev pen Aldııar Ańsat teń tústi.