Shahmat olımpıadasy: Qazaqstan quramasy sheshýshi synda AQSh-qa qarsy oınaıdy

ASTANA. KAZINFORM – Majarstan astanasy Býdapesht qalasynda ótip jatqan shahmattan 45-shi Olımpıada oıyndarynda Qazaqstan quramasy sheshýshi synda AQSh-qa qarsy oınaıdy.

Qyzdarymyz Býdapeshtegi Olımpıadada oıyndarynyń 10-shy týrynda Grýzııamen teń tústi. Eki komanda arasyndaǵy barlyq oıyn teń aıaqtaldy (2-2). Bul týrda Qazaqstan sapynan Bıbisara, Alýa, Merýert pen Ksenııa óner kórsetti. Osylaısha, Qazaqstan men Úndistan áıelder komandasy 17 upaıdan jınap, kósh basynda tur. Al Polsha men AQSh-ta 16 upaıdan. Armenııa men Ispanııada 15-ten. Endi qyzdarymyz sheshýshi týrda AQSh-qa qarsy oınaıdy.

Sondaı-aq, Qazaqstan erler quramasy da Horvatııa komandasynan basym tústi. Jeńistiń taǵdyry Álisher Súleımenov pen Sasha Martınovıch arasyndaǵy oıynda sheshildi. Ulttyq qurama shahmatshysy senimdi oıyn máneriniń arqasynda qarsylasynan aılasyn asyrdy. Al qalǵan 3 otandasymyz (Qazybek Nógerbek, Aldııar Ańsat pen Ramazan Jalmahanov) teń oınady. Qazir komanda enshisinde 14 upaı bar (7 jeńis, 3 jeńilis).

Esterińizge sala keteıik, osyǵan deıin Qazaqstan quramasy toǵyzynshy týrda Polshadan basym túsip, 16 upaımen birinshi orynǵa shyqqanyn jazǵan bolatynbyz.