Shahmat Olımpıadasy: Qazaqstan altynshy jeńisine qol jetkizdi
ASTANA. KAZINFORM — Shahmattan Samarqand qalasynda 46-shy Olımpıadanyń altynshy týr oıyndary ótti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Áıelder arasynda Qazaqstan quramasy 2025 jylǵy álem chempıonatynyń kúmis júldegeri ári 5 jeńis serııasymen kele jatqan Ázerbaıjanmen jolyqty.
Búgin shahmat Olımpıadasyn qoldaýǵa arnaıy túrde Qazaqstannyń Ózbekstandaǵy elshisi Eraly Toǵjanov kelip, Bıbisara Asaýbaevanyń ústelinde saltanatty alǵashqy júrisin jasady.
Al kezdesýdiń ózinde Alýa Nurmannyń jeńisi komandaǵa kezekti 2 upaı syılady.
Áıelder. 189 komanda
Qazaqstan — Ázerbaıjan 2,5:1,5
Bıbisara Asaýbaeva — Govhar Beıdýllaeva
Alýa Nurman — Gıýnaı Mamedzade
Merýert Kamalıdenova — Hanym Baladjaeva
Zarına Nurǵalıeva — Gıýlnar Mamedova
Erler arasynda Qazaqstan quramasy da reıtıngte deńgeıles kele jatqan Kolýmbııany ońaı jeńip, tórtinshi jeńisterin (1 jeńilis jáne 1 teń) tirkedi.
Erler. 205 komanda
Qazaqstan — Kolýmbııa — 3,5:0,5
Denıs Mahnev — Santıago Lopez Raıo
Saýat Nurǵalıev — Esteban Valderrama
Danıal Sapenov — Manýel Kampos Gomez
Jandos Aǵmanov — Krıstıan Kamılo Rıos Gomez
Endi komandalar 1 kúndik úziliske ketedi.
Aıta keteıik, 11 týrdan turatyn jarys 27 qyrkúıek kúni máresine jetedi.
Budan buryn Qazaqstan shahmat Olımpıadasynda qatarynan besinshi ret jeńiske jetkenin jazǵanbyz.
