Shahmat: Qyzylordalyq Ásel Serikbaı jasóspirimder arasyndaǵy olımpıadaǵa qatysady
QYZYLORDA.QazAqparat- Ásel Serikbaı men Nazerke Nurǵalı Qyzylorda oblysynyń mereıin ústem etip kele jatqan jas sportshylardyń qatarynda.
Ekeýi de Syr óńiri tarıhyndaǵy shahmattan alǵashqy FIDE sheberleri, dep habarlaıdy QazAqparat tilshisi.
Bıylǵy jylǵy oqýshylar arasynda Álem chempıony, 3 dúrkin Azııa chempıony atanǵan Ásel Serikbaı jáne Álem chempıonatynyń kúmis júldegeri Nazerke Nurǵalı 8-30 qarashada Tarvızıo (Italııa) qalasynda 20 jasqa deıingi jastar arasynda ótetin Álem chempıonatyna daıyndalýda. Olar dúbirli básekeniń aldynda 1-7 qarashada Almaty qalasynda bolatyn oqý-jattyǵý jıynyna barady
Sodan keıin Ásel Serikbaı 10-20 jeltoqsanda Gýdjarat shtatynda (Úndistan) 16 jasqa deıingi jasóspirimder arasynda bolatyn Búkilálemdik Olımpıadada oblys namysyn qorǵaıdy.
2018 jyly Ásel men Nazerke Albanııada - Álem, Taılandta Azııa chempıonattarynda baqtaryn synaıdy.
