Shahmat: Qyzylordada Dınara Sádýaqasova sheberlik dárisin ótkizdi
QYZYLORDA. QazAqparat - Belgili shahmatshy Dınara Sədýaqasova Qyzylordada jergilikti órenderge bir mezgilde 25 taqtada sheberlik dárisin ótkizdi, dep habarlaıdy QazAqparat tilshisi.
Halyqaralyq grossmeıster Dınara Sədýaqasova Qyzylordada alǵash ret sheberlik dárisin ótkizdi. Sol arqyly ol Qazaqstanda shahmat oıynyn keńinen nasıhattaýǵa kóńil bólip keledi.
Ol bıylǵy jyly elimizdiń kóptegen qalalary men oblys ortalyqtarynda bir mezgilde sheberlik dárisin jáne týrnırler ótkizip keledi.
Búgingi sheberlik dárisine Syr óńirindegi 1-3 razrıadtaǵy 25 jasóspirim qatysty.
Onyń qorytyndysy boıynsha Dınara Sádýaqasova eń qyzyqty oıyn kórsetken shahmatshylar - Sultan Amanjol men jasy eń kishi 6 jastaǵy Aıjuldyz Qanatqyzyna óz tartýyn jasady. Olarǵa óziniń bıyl jeltoqsan aıynda jaryq kórgen «Shahmat oqyp úıreneıik» atty kitabyn syıǵa tartty.
Bıyl shahmattan jasóspirimder arasyndaǵy Álem chempıonatynda qyzylordalyq Əsel Serikbaı altyn medal jeńip aldy.
