Shahmat federatsııasy hıdjabsyz óner kórsetken ırandyq qyzdyń qaýipsizdigin qamtamasyz etken
Buǵan deıin BAQ betterinde ırandyq sportshy Sara Hademniń Almatyda ótken blıts-shahmattan álem chempıonatynda hıdjabsyz óner kórsetkeni týraly aqparat tarady. Osydan keıin onyń jeke basyna qaýip tóndiretin málimdemeler jasalǵan. Aıta keteıik, Irannyń áıelderi úshin oramal taǵý mindetti dress-kod bolyp sanalady.
«Men týrnır dırektory retinde áriptesterimdi jınap, jaǵdaıdy baıypty sheshýge tyrystym. Ol qatysýshyǵa qatysty turǵylyqty jerin, marshrýtyn jáne basqa málimetterdi anyqtaýǵa tyrysqan belgisiz adamdardan qońyraýlar tústi. Sondyqtan biz jaǵdaıdyń kútpegen jerden kúrt ózgerýi múmkin ekenin túsindik. Tıisinshe, áriptesterimizge, seriktesterimizge, Almaty qalasynyń ákimdigine sportshynyń qaýipsizdigin qamtamasyz etý boıynsha ótinish jasadyq. Biz onyń baǵytyn, onyń qalaı ketetinin oılastyrdyq jáne ony elden qaýipsiz shyǵarýdy qamtamasyz ettik», - dep túsindirdi Darmen Sádýaqasov OKQ-da ótken brıfıngide.
Qosa keteıik, buǵan deıin Almatyda ótken blıts-shahmattan Álem chempıonatyna qatysqan qazirgi álem chempıony Magnýs Karlsenniń birinshi partııaǵa nelikten keshikkenin jazyp edik.