Shahmat: Álem chempıonaty kezinde arnaıy www.worldchess.kz saıty jumys isteıtin bolady
ASTANA. 27 maýsym. QazAqparat - Jedel shahmat (rapıd) jáne blıts boıynsha álem chempıonaty barysynda álemdik týrnırdiń barlyq jańalyqtarynan tolyq málimet beretin taraýlar men aıdarlardan turatyn www.worldchess.kz arnaıy saıty jumys isteıtin bolady.
Bul jaıly Jedel shahmat jáne blıts boıynsha álem chempıonatynyń (ShÁCh) baspasóz qyzmeti habarlady.
Shahmat áýesqoılary úshin basty bólim Gýdını taldaýy usynylǵan translıatsııalar men partııalardyń on-line translıatsııasy bolmaq. Álemdik mańyzy bar oqıǵany kúnine 50 myńnan 2 mıllıonǵa deıin paıdalanýshy tamashalamaq.
Sondaı-aq, jarysty uıymdastyrýshylar (Qazaqstan Respýblıkasynyń shahmat federatsııasy jáne Halyqaralyq shahmat federatsııasy) chempıonattyń tehnıkalyq jaraqtandyrylýy joǵary deńgeıde bolatyndyǵyna kámil sendiredi, translıatsııany Evgenıı Tkachev qolǵa alyp, kommentatorlar Sergeı Shıpov pen Robert Fonteın júrgizedi. Shahmat kommentatory Sergeı Shıpovty teńdessiz fýtbol kommentatory Sergeı Ozerovpen jıi salystyryp júr.
Al, Evgenıı Tkachevke kelsek, blıtsty on-line translıatsııalaý - onyń ákelgen jańalyǵy. Ol 2003-2010 jyldar aralyǵynda Reseı men álemdegi barlyq týrnırlerdi translıatsııa jasaǵan. Máselen, 2006-2010 jyldary Tal oıyndary, 2007-2010 jyldary World Blitz Championship, 2006-2012 jyldary Moscow Open, 2003-2010 jyldary Aeroflot Open, 2010 jyly Women's World Blitz Championship, 2010 jyly World Chess Olympiad 2010 (750 el. taqta!!!) jáne t.b.
Saıttan grossmeıstrler, tóreshiler men eki federatsııanyń basshylyǵy týraly aqparattar ala alasyzdar. Sondaı-aq, foto jáne beınereportajdar júıeli túrde jańartylyp otyrylmaq.
