Shahmardan Esenovtiń 100 jyldyǵy UNESCO kóleminde toılanýy múmkin

ASTANA. KAZINFORM — 2027 jyly belgili geolog, Geologııa mınıstrligi men Ǵylym akademııasyn basqara júrip Qarajanbas, Keńqııaq, Qalamqas, Bozaşy munaı kenishteriniń ashylýyna tikeleı atsalysqan ǵalym Shahmardan Esenovtiń týǵanyna 100 jyl tolady. Osy aıtýly kún UNESCO kóleminde toılanýy múmkin. 

Bul týraly Premer-mınıstrdiń orynbasary — Ulttyq ekonomıka mınıstri Serik Jumanǵarınniń Senat depýtattarynyń saýalyna joldaǵan jaýabynda aıtylǵan.

— Kórnekti qaıratkerdiń mereıtoıy Qyzylorda oblysy ákimdiginiń usynysy boıynsha 2026-2028 jyldarǵa arnalǵan mereıtoılar men ataýly kúnder tizbesine engizilgen. Sondaı-aq, Shahmardan Esenovtyń esimi óńirlerge jumys barysynda basshylyqqa alý úshin joldanǵan «Tarıhı tulǵalar» tizbesine engizildi.
Syrtqy ister mınıstrligine ǵalym Shahmardan Esenovtyń 100 jyldyǵyn ıÝNESKO-nyń ataýly kúnder tizimine engizý týraly resmı hat joldandy, — dep jazylǵan resmı jaýapta.

Depýtattyq saýalda jer týraly ǵylymdar salasynda Shahmardan Esenov atyndaǵy syılyq taǵaıyndaý usynylǵan bolatyn.

— Respýblıkalyq bıýdjettiń shekteýli múmkindikterine jáne áleýmettik bastamalardy qarjylandyrýdy ońtaılandyrý qajettiligine baılanysty qosymsha memlekettik syılyqtar taǵaıyndaý máselesi qarastyrylmaıdy, — dep jazady Serik Jumanǵarın.

Buǵan deıin Senat depýtaty Altynbek Nuhuly Shahmardan Esenovtiń 100 jyldyǵyn UNESCO-nyń mereıtoılyq kúnder tizimine engizý týraly usynys kótergenin jazǵan edik.