Shahızada Ábdikárimovtiń «Súleıdarııasy» qyrǵyz tilinde sóıledi
QYZYLORDA. QazAqparat - Qyzylordalyq aqyn Shahızada Ábdikárimovtiń «Súleıdarııa» atty jyr jınaǵy qyrǵyz tilinde basylyp shyqty, dep habarlaıdy QazAqparat tilshisi.
Atalmysh jyr jınaǵy 1 myń dana taralymmen oqyrman qolyna tıdi. Ony Baqtygúl Chotýrova men Karbalas Bakırov tárjimalaǵan.
Avtordyń aıtýynsha, atalmysh shyǵarma qazirgi tańda tatar tiline de aýdarylyp jatyr. Aqynnyń shyǵarmalary budan buryn da qyrǵyz tilinde eki márte jaryq kórgen.
Shákızada Ábdikárimov 1956 jyly 16 qyrkúıekte Qyzylorda oblysy Qarmaqshy aýdanynda dúnıege kelgen. 1981 jyldan beri jýrnalıstıka salasynda qyzmet etip keledi. Qazirgi tańda Qyzylorda qoǵamdyq teledıdarynyń quryltaıshysy qyzmetin atqarady.
Shákızada Ábdikárimov jas shaǵynan poezııa áleminde óz órnegin salyp keledi. Alǵashqy óleńder toptamasy 1975 jyly jas talanttardyń jyrlary jınaqtalǵan «Kóktem tynysy» kitabyna engen. Búginge deıin birqatar týyndysyn oqyrmanǵa usyndy, olardyń arasynda «Baıqońyr», «Altyn qazyq», «Gladıator», «Súleıdarııa» jyr kitaptary bar.
