Shahbaz Sharıf: Qol qoıylǵan qujattar Qazaqstan–Pákistan baılanysyna jańa serpin beredi

ISLAMABAD. KAZINFORM — Shahbaz Sharıf Pákistan Qazaqstandy Ortalyq Azııadaǵy mańyzdy seriktesteriniń biri retinde qarastyratynyn málimdedi, dep habarlaıdy Aqordanyń baspasóz qyzmeti.

— Búgingi tabysty kelissózder naqty nátıjelerge ulasyp, qol qoıylǵan qujattar ekijaqty baılanystardy damytýǵa tyń serpin beretinine senimdimin. Eki el arasyndaǵy seriktestikti nyǵaıta otyryp, saýda, mádenıet, bilim berý jáne basqa da kóptegen sala boıynsha yntymaqtastyqta jańa múmkindikterge jol ashylady dep esepteımin. Joǵary mártebeli Prezıdent myrza, Sizge Pákistan men Qazaqstan qarym-qatynasyn odan ári arttyrýǵa qoldaý kórsetkenińiz úshin alǵys aıtamyn, — dedi Pákistan Premer-mınıstri.

Budan buryn Toqaev Pákistan Premer-mınıstrin bıyl Qazaqstanǵa memlekettik saparmen kelýge shaqyrǵany belgili boldy.

Sonymen qatar, Qasym-Jomart Toqaev pen Shahbaz Sharıf strategııalyq seriktestik týraly birlesken deklaratsııaǵa qol qoıdy.