Shaharızat Seıdahmet - «Qazaqstan daýysynyń» jeńimpazy
ASTANA. 20 qańtar. QazAqparat - «Qazaqstan» Ulttyq telearnasynda ótken jyldyń maýsym aıynda tusaýy kesilgen joba - «Qazaqstan daýysy» keshe máresine jetti.
Tyńdarmandar daýysy boıynsha jeńimpaz atanǵan torǵaılyq - Shaharızat Seıdahmet. Ol 1986 jyly 12 qarashada dúnıege kelgen. Tálimgeri - Nurlan Alban. Shaharızat joba boıy dástúrli ánniń oryndaýshysy retinde tanyldy. Aqtyq synda da oryndaǵany - halyq áni «Saǵan halqym».
«Qazaqstan daýysy» ataǵyna laıyqty dep tanylǵan oǵan álemge áıgili «Universal» dybys jazý stýdııasymen bir jylǵa kelisimshartqa otyrý múmkindigi buıyrdy jáne 5 mıllıon teńge qarjylaı syıaqy tabystaldy, dep habarlaıdy «Qazaqstan» ulttyq arnasy.
