Shahandaǵy jarylystan zardap shekkender qaıyrymdylyq qarjysyna talasty
QARAǴANDY. QazAqparat - Qaraǵandy oblysy Shahan kentindegi jylý qazandyǵy jarylysynan zardap shekken otbasylardyń biri qaıyrymdylyq qarjysy jónindegi daýǵa alańdaýly, dep habarlaıdy «QazAqparat» HAA tilshisi.
Balasymen birge qaza tapqan áıeldiń ákesi qazaqstandyqtar jınap bergen jylýdan bólingen eki mıllıon teńgeniń ózine berilýi kerektigin aıtýda. Alaıda bul qarajat onyń kúıeý balasyna berildi.
ıÝrıı Morozov jalǵyz qyzy men alty aılyq nemeresin jer qoınyna tapsyrdy. Eki jaqynyn joǵaltqandyqtan, ol ózin zardap shegýshimin dep esepteıdi.
«Qamqorshylyq keńes durys istemedi. Kúıeý balammen betpe-bet kelmeý úshin bárimizdi jınap, bul máseleniń ortaq sheshimin shyǵarý kerek edi. Bizdiń qaıǵymyz ortaq», - dedi ıÝrıı Morozov.
Qaraǵandydaǵy brıfıngte «Shahan turǵyndaryna kómek qory» qamqorshylyq keńesiniń tóraıymy Jamala Mamerhanova «týystardyń arasyndaǵy mundaı qarym-qatynasqa keshirim joqtyǵyn» aıtty.
«Bul jaǵdaıda áıeli men balasyn joǵaltqan er adamnyń eki mıllıon teńge túrindegi moraldyq ótemaqy alýǵa quqyǵy joq dep aıtý orynsyz. Olar resmı nekede turǵan. Ol óz otbasynan aıyryldy», - dedi Jamala Mamerhanova.
Eske sala ketsek, bıyl 1 qańtarda keshki 22:40-ta Qaraǵandy oblysy Shahan eldi mekeninde besqabatty úıdiń jertólesindegi jylý qazandyǵy jaryldy. Saldarynan tórtinshi kireberis qırady. 9 adam mert bolyp, eki adam jaralandy.
