Shahandaǵy jarylys týraly is: Prokýratýra sýdıalar ádiletsizdik tanytty dep kúdiktenýde

QARAǴANDY. QazAqparat - Prokýrorlar Shahtınsk qalalyq sotynan bes qabatty turǵyn úıdegi qazandyqtyń jarylýy jáne toǵyz adamnyń qaza tabýy faktisi boıynsha qylmystyq isti basqa qalanyń sotyna berýdi surap otyr. Qadaǵalaýshy organ bes sottalýshynyń jazaǵa tartylýy kezinde sottyń ádiletsizdik tanytýy múmkindigin alǵa tartýda, dep habarlaıdy «QazAqparat» HAA tilshisi.

Shahtınsk sotynyń habarlaýynsha, Qaraǵandy oblystyq prokýratýrasy ekinshi basqarmasynyń protsessýaldyq prokýrory sotqa júgindi.

Prokýror Erzat Mýseev óziniń ótinishinde kórsetkendeı, aıyptalýshy sheneýnikter Shahtınsk ákimdigi men Shahan kentiniń ákimdiginde laýazymdy qyzmetterin jalǵastyryp jatyr jáne bul sot tyńdalymy barysynda olarǵa qarsy dáleldemelerdi baǵalaý kezinde sottyń ádilettik tanytýyna keri áserin tıgizýi múmkin. Qylmystyq ister alqasynyń bul ótinishti oryndaýy nemese odan bas tartýy - óz quqyǵynda», - dep habarlady Shahtınsk qalalyq sotynyń keńsesi.