Shahandaǵy jańa qazandyq qurylysyna ákimdik shamamen 3 mlrd teńge surady
QARAǴANDY. QazAqparat - Qaraǵandy oblysynyń ákimdigi Shahandaǵy ortalyq qazandyq qurylysy týraly jańartylǵan qujattar paketimen Ulttyq ekonomıka mınıstrligine júgindi, dep habarlaıdy «QazAqparat» HAA tilshisi.
Ákimdik respýblıkalyq bıýdjetten 2 mıllıard 800 mıllıon teńge surady.
«Ortalyq qazandyq qurylysynyń quny - 2 mıllıard 800 mıllıon teńge. 2014 jylǵy jobalyq-smetalyq qujattama dál osy somaǵa qurylǵan», - dep habarlady Qaraǵandydaǵy brıfıngte Shahan qalasynyń ákimi Serjan Aımaqov.
Aımaqovtyń aıtýynsha, eldi mekenge ortalyqtan jylytatyn qazandyq kerek.
«Shahanda 107 úı kishkene peshpen jylynyp otyr. Ondaı peshter turǵyndar ómiri úshin asa qaýipti», - dedi ákim.
Resmı derekter boıynsha, Shahanda 14 avtonomdy jylytý júıesi bar, olar 14 kópqabatty úıdi jylytady jáne jertólede ornalasqan.
Eske sala ketsek, bıyl 1 qańtarda keshki 22:40-ta Qaraǵandy oblysy Shahan eldi mekeninde besqabatty úıdiń jertólesindegi jylý qazandyǵy jaryldy. Saldarynan tórtinshi kireberis qırady. 9 adam mert bolyp, eki adam jaralandy.
