Shahandaǵy oqıǵadan soń Atyraýda kemi 1800 pəter ortalyq jylytý júıesine qosylýy múmkin
ASTANA. QazAqparat - Shahandaǵy jarylystan soń Atyraýda kemi 1800 pəter ortalyq jylytý júıesine qosylýy múmkin. Bul týraly aımaq basshysy Nurlan Noǵaevtyń Jylyoı aýdanyna jumys sapary kezinde belgili boldy, dep habarlaıdy ákimdiktiń baspasóz qyzmeti.
Sapar barysynda aımaq basshysy məjilis ótkizip, oblystaǵy jylý berý maýsymynyń barysyn talqylady. Jıynǵa oblystyń kommýnaldyq sharýashylyǵyna jaýapty qyzmetkerler qatysty.
Məjiliste oblys turǵyndarynyń jeke qazandyqtardy qaýipsizdik erejelerin saqtamaı paıdalanyp otyrǵany sóz boldy. Məselen, Jylyoı aýdanynda jeke qazandyqtyń 1858 pəterde jaǵylyp otyrǵany, biraq solardyń 50-iniń ǵana qaýipsiz ekeni aıtyldy. Mundaı jaýapsyzdyqtyń saldarynan byltyr oblysta 41 adam gazdan ýlanyp, bir kisi qaza bolǵan.
Ər aýdan erekshelikterin eskerip məseleni retteýdiń ózinshe joldaryn usyndy. Məselen, Jylyoı aýdanynyń əkimi turǵyndardan erejeni saqtaýdy talap etemiz, bolmasa olardy ortalyq jylý júıesine qosamyz dese, Mahambet aýdany əkimdigi məseleni bir top pəterge ortaq qazandyq ornatý arqyly retteımiz dedi.
Məjiliste aıtylǵan taǵy bir məsele turǵyndardyń qazandyqtaryn teksertýden qashatyndyǵy boldy.
"Atyraý qalasyndaǵy Balyqshy aýdanynda turǵyndardyń kóbi artyq jumystan qashyp, esikterin ashpaıdy. Sol sebepti, qazandyqtardy tolyq tekserip shyǵa almaı otyrmyz", - dedi Atyraý qalalyq kommýnaldyq sharýashylyq bóliminiń basshysy Serikbaı Qazıev.
Aımaq basshysy Nurlan Noǵaev qazandyqtar máselesin kelesi jylytý maýsymyna deıin sheshý kerektigin basa aıtyp, qaramaǵyndaǵylarǵa tapsyrma berdi.
"Qazandyqtar máselesin sheshý eń aldymen turǵyndardyń ózderi úshin qajet. Qıyn kezeńderde halyqtyń jylyný úshin qazandyqtardy asyǵys júrip ózderi ornatyp alǵanyn jaqsy túsinemiz. Degenmen, qazir jaǵdaı túzeldi. Qaýipsizdikti tolyqtaı qamtamasyz etýge múmkindik bar. Bul eń aldymen ər adamnyń, ər otbasynyń jeke qaýipsizdigi. Sony halyq túsinýi kerek. BAQ arqyly turǵyndarǵa túsinik jumystaryn júrgizýdi tapsyramyn", - dedi oblys əkimi qaramaǵyndaǵylarǵa.
Esterińizge salalyq, buǵan deıin Úkimet basshysy Baqytjan Saǵyntaev əkimderge jylytý maýsymyn tıisti deńgeıde ótkizýdi tapsyrǵan edi.
Qańtardyń basynda avtomattandyrylǵan jylytý qazandyǵyndaǵy aqaýdyń sebebinen Qaraǵandy oblysyndaǵy Shahan eldi mekeni men Shymkent qalasynda iri apat bolyp, birneshe adam qaza tapty.
