Shahandaǵy oqıǵa: Ot jaǵýshyǵa izdeý jarııalandy
QARAǴANDY. QazAqparat - Shahanda qulaǵan úıde kezekshi bolǵan ot jaǵýshyǵa izdeý jarııalandy, dep habarlaıdy QazAqparat tilshisi Shahan ákimi Serjan Aımaqovqa silteme jasap.
«Meniń bar bilerim, áli kúnge deıin ot jaǵýshyny taba almaýda. Іzdestirý jumystary júrip jatyr. Qylmystyq is qozǵalyp, tergeý sharalary júrýde», - dedi ákim Serjan Aımaqov jýrnalısterge bergen suhbatynda.
Eske sala ketsek, 1 qańtar kúni 22 saǵat 40 mınýt shamasynda Qaraǵandy oblysynyń Tótenshe jaǵdaılar departamentine Shahan kentinde kópqabatty úıdiń qulaǵany jóninde arnaıy habar kelip túsken. Qıraǵan úıdiń úıindilerinen 9 adamnyń máıiti tabyldy. Olardyń 3-ýi er adam, 3-ýi áıel adam, taǵy úsheýi balalar. Úıdiń qulaýyna 4-shi podezdiń jertólesinde ornalasqan qazandyqtyń jarylýy sebep bolǵan.
Qulaǵan úı 1987 jyly salynǵan. Apat bolǵan podezde 10 páter bolǵan. Ákimdiktiń málimetteri boıynsha, úıde 118 adam turyp jatqan. Qulaǵan podezde 25 turǵyn, qonaqtardy qosa alǵanda shamamen 30 adam bolǵan. Shahandyqtar ortalyqtandyrylǵan jylý júıesi bolmaǵandyqtan jylý máselesin ózderi sheshken. Bılik ókilderiniń málimetterinshe, jańa qazandyq salý jospary 2013 jylǵa qoıylǵan. Joba-smetalyq qujattar daıyndalǵanymen qarjy máselesi qolbaılaý bolyp kelgen.
