Shahandaǵy oqıǵa: 1 jyldan keıin qulaǵan úıdiń qurbandary eske alyndy
QARAǴANDY. QazAqparat - 1 qańtar, dúısenbi kúni Qaraǵandy oblysynyń Shahan kentinde bir jyl buryn qazandyqtyń jarylýynan qulaǵan úıde opat bolǵan 9 adamdy eske alý rásimi ótti, dep habarlaıdy «QazAqparat» HAA tilshisi.
Shahan kentiniń ákimdigi jáne Shahtınsk qalasynyń ákimdigi adamdardy tasymaldaý jáne dámhanany jalǵa alýǵa kómek qolyn sozdy. «Shahtınsk qalasynyń Shahan kentinde bolǵan tótenshe jaǵdaıdan zardap shekkenderge kómek kórsetý qory» qoǵamdyq birlestigi qurban bolǵandardyń otbasylaryna aldyn ala 500 000 teńgeden qarjy bóldi. Qor tóraǵasy Jamala Mamyrhanovanyń aıtýynsha, bólingen qarjy 2017 jyldyń qańtar-aqpan aılarynda qazaqstandyqtar jınaǵan kómekten alynǵan.
«Qorǵa jeke jáne zańdy tulǵalardan jalpy 203 mıllıon 851 myń 192 teńge jınaldy. Іs júzinde qor qyzmet júrgizip jatqan joq. Biraq ony zańdy túrde jabý úshin aýdıt júrgizip, qordyń esebinde turǵan jeti páterdi jańa ıeleriniń menshigine ótkizý kerek», - deıdi ol.
Eske sala ketsek, 2017 jylǵy 1 qańtar kúni 22:40-ta Qaraǵandy oblysy TJD qutqarý bólimine Shahtınsk qalasy Shahan aýylyndaǵy kópqabatty úıdiń bir bóligi opyrylyp túsip, sonyń saldarynan 9 adam qaza tapqany týraly habar túsken.
