Shahandaǵy qıraǵan úıde eki bala tańqalarlyq jaǵdaıda aman qaldy
QARAǴANDY. QazAqparat - Qaraǵandy oblysynyń ákimi Nurmuhambet Ábdibekov Shahandaǵy qutqarýshylar men turǵyndardyń azamattyq pozıtsııalaryn joǵary baǵalady, dep habarlaıdy «QazAqparat» HAA tilshisi.
«Alǵashqy qutqarýshylar apat bolǵan jerge oqıǵa jaıly habarlanǵannan keıin 4 mınýttan keıin jetti. Qalyptasqan jaǵdaı kezinde bizdiń qyzmet jedel jumys istedi - TJ, densaýlyq saqtaý organdary, ishki ister jáne ózgeler. Osy kezeńde tıisti normada jumystar atqaryldy.
Ásirese, turǵyndardyń belsendiligin atap ótkim keledi. Oqıǵa ornynda jumys istegen manıpýlıator turǵyndardyń bastamasy boldy, ózge de tehnıkalar jumys istedi. Bul óte jaqsy azamattyq pozıtsııa ekendigin atap ótý kerek»,-dedi N. Ábdibekov Shahandaǵy TJ boıynsha jedel shtab otyrysynda.
Óńir basshysy ózderiniń bastamasymen izdeý-qutqarý jumystaryn atqarǵan tehnıka ıelerine ótemaqy tóleý máselesin sheshýdi tapsyrdy.
Belgili bolǵandaı, úshinshi qabatta marqum bolǵan Andropovtar januıasyndaǵy 10 jasar bala men 7 jasar qyzdyń qutqarylǵany anyqtaldy. Balalardyń kómek shaqyrǵan daýsyn ótip bara jatqandar estip, olardy úıindi astynan shyǵaryp alǵan.
Artem Shahanǵa týystarynyń úıine qonaqqa kelgen. Onyń ákesi kúıeýimen jáne 8 jasar qyzymen birge qaza tapqan Olga Andropovanyń nemere aǵasy. Otbasynda 7 jasar Polına aman qaldy. Ol nemere aǵasy Artemmen birge bir bólmede bolǵan. Qyzdyń ájesi qamqorshylyqqa qujat toltyratyn bolady.
Budan buryn qutqarýshylar úıindi astynan 32 jastaǵy er adamdy aman-esen shyǵarǵandyǵy habarlanǵan bolatyn.
