Shahandaǵy qazandyqtyń qurylysyna bıýdjetten qarjy bólindi

ASTANA. QazAqparat - Qaraǵandy oblysy Shahan kentindegi qazandyqtyń qurylysyna memlekettik bıýdjetten qarjy bólindi. Bul týraly QR Ulttyq ekonomıka mınıstrliginiń baspasóz hatshysy Samal Ibraeva málim etti, dep habarlaıdy «QazAqparat» HAA tilshisi.

«2017 jylǵy respýblıkalyq bıýdjetti bólý barysynda Óńirlerdi damytý baǵdarlamasy aıasynda Shahtınsk qalasyna qarasty Shahan kentindegi jylý jelileri qazandyǵynyń qurylysyna 1,2 mlrd teńge bólindi», - dep túsindirdi ol.

Esterińizge sala keteıik, bıyl 1 qańtarda keshki 22:40-ta Qaraǵandy oblysy Shahan eldi mekeninde bes qabatty úıdiń jertólesindegi jylý qazandyǵy jaryldy. Saldarynan tórtinshi kireberis qırady. 9 adam mert bolyp , eki adam - 32 jastaǵy Aleksandr Galyshev pen 11 jasar Elena Vasıleva jaralandy.

Buǵan deıin ákimdik, energetıka basqarmasy jáne TJ departamenti qyzmetkerleriniń Qaraǵandy oblysyndaǵy jeke qazandyǵy bar úılerge keshendi tekseris júrgizgeni habarlanǵan edi. Bul jumys bir aıǵa sozylyp, 31 qańtar kúni aıaqtaldy. Avtonomdy jylytý júıesi bar 688 nysan anyqtaldy, olar - turǵyn úıler men memlekettik mekemeler. Jylytý maýsymy aıaqtalǵan soń, azamattardyń qaýipsizdigi úshin barlyq qazandyqtar ǵımarattardan tys jerge shyǵarylady.