Shahandaǵy qazandyq jarylýy boıynsha úı komıteti tóraǵasyna qatysty sot otyrysy bastaldy
QARAǴANDY. QazAqparat - 2017 jyldyń 1 qańtarynda Qaraǵandy oblysy Shahan aýylyndaǵy jylý qazandyǵynyń jarylýy jáne sapasyz qyzmet kórsetilýi saldarynan, abaısyzdyqtan №4 úıdiń 9 turǵynynyń qazasyna kináli dep tanylǵan úı komıtetiniń tóraǵasy sot zalynda jaýapqa tartyldy, dep habarlaıdy «QazAqparat» HAA tilshisi.
Murat Súleımenovke qatysty eki bap boıynsha - QK-niń 104-baby 2-bólimi «Abaısyzda óltirip alý» jáne QK-niń 306-baby 3-bóliminde qarastyrylǵan «Qaýipsizdik talaptaryna saı emes jumys isteý nemese qyzmet kórsetý» boıynsha is qozǵaldy.
«Sýdıa bolyp Álııa Sadyqova taǵaıyndaldy. Sottalýshy Súleımenov «kepil» bultartpaý sharasymen ázirge bostandyqta», - delingen Shahan qalalyq soty keńsesiniń habarlamasynda.
Sot barysynda Qaraǵandy oblysy TJ departamenti basshysynyń orynbasary Vadım Magadamov ta tergeýge alyndy. Ony kúzetshi aıdaýymen Qaraǵandy tergeý ızolıatorynan sotqa kýáger retinde qatysýǵa aldyrtty.
Bıylǵy jyldyń qańtar aıynda bolǵan qaıǵyly jaǵdaı kezindegi qutqarý jumystaryna ol basshylyq etken. Qazir azamattyq qorǵanys polkovnıgi para alǵandyǵy týraly qylmystyq ispen tergeý-qamaýyna alynǵan.
Sonymen qatar, sot ákimdiktiń sottalǵan bes qyzmetkerin de tergeýge alyndy. Olar kýáger retinde qaıǵyly oqıǵanyń oryn almasy úshin úı komıtetiniń tóraǵasy atqarýy tıis isterdi atady.
