Shahandaǵy barlyq jylý qazandyqtary jertólelerden shyǵarylýda
QARAǴANDY. QazAqparat - Qaraǵandy oblysy Shahan kentindegi barlyq jylý qazandyqtary kóp qabatty úılerdiń jertólelerinen shyǵarylyp jatyr, dep habarlaıdy «QazAqparat» HAA tilshisi.
«Qysqa daıyndyq jumystary aıaqtalýǵa jaqyn», - dedi Qaraǵandy oblysy ákimdiginde ótken jıynda Shahan qalasynyń ákimi Serjan Aımaqov.
Ákimdiktiń baspasózqyzmetiniń málimetinshe, jospar boıynsha kenttegi qaýipsiz qashyqtyqtarǵa 14 avtonomdy jylý júıeleri shyǵarylýy kerek bolǵan.
«Tehnoservıs» kásiporyny kópqabatty turǵyn úılerdiń jertólelerinen eki avtonomdy jylý júıelerin shyǵarý jumystaryn júrgizdi. Sonymen qatar, «PowerTechnologiesKZ» JShS taǵy 11 avtonomdy jylý júıelerin júrgizý jumystaryn aıaqtady. Sońǵy 14-inshi jylý júıesi osy aptanyń aıaǵyna deıin aıaqtalady. Qazirgi ýaqytta barlyq uıymdastyrý jumystary men qarjylyq máseleler sheshildi», - dep máliddedi Serjan Aımaqov.
Bul jumystarǵa jumsalǵan qarajattyń jalpy kólemi 86 mıllıon teńgeni quraıdy. Búgingi tańda «Shubarkól - kómir» JShS Qaraǵandy oblysy ákimi men ERG kompanııasy arasyndaǵy memorandým negizinde negizgi demeýshi bolyp otyr.
Esterińizge sala keteıik, Shahanda 1-shi qańtarda qaıǵyly oqıǵa oryn alǵan bolatyn. Jertólede ornalasqan jylytý qazandyǵynyń jarylýy saldarynan bes qabatty úıdiń bir bóligi qulaǵan edi. Úıindiniń astynda 9 adam qaıtys boldy, onyń úsheýi bala. Eki zardap shegýshi aýrýhanaǵa jetkizildi. Sol túni kezekte bolǵan pesh jaǵýshy tótenshe jaǵdaıdan soń ǵaıyp boldy. Biraz ýaqyttan soń onyń qatyp qalǵan máıiti daladan tabylǵan.
