Shahanda zardap shekkenderge arnalǵan kómek qoryna 41 mln teńge tústi

QARAǴANDY. QazAqparat - Qaraǵandy oblysy Shahan kentindegi qaıǵyly jaǵdaı jalpy halyqtyq problemaǵa aınaldy. Azamattar men uıymdar zardap shekkenderge kómek qolyn sozýda, dep habarlady oblys ákiminiń baspasóz qyzmetine silteme jasap «QazAqparat» HAA tilshisi.

«Tótenshe jaǵdaı saldarynan zardap shekkenderge kómek qaıyrymdylyq qorynyń esebine jeke jáne zańdy tulǵalardan  41 mln teńge tústi. Onyń 25 mln teńgesin «Tsesnabank» AQ aýdardy. Mereıtoıǵa arnalǵan qarajatty   basshylyq pen ujym  Shahan turǵyndaryna jibermek bolyp sheshti», - delingen habarlamada.

Osyǵan deıin habarlanǵanyndaı, Shahanda zardap shekkenderge qarjylaı kómek berý maqsatynda jeke qaıyrymdylyq qory ashylǵan.

Qaıyrymdylyq kórsetem deýshiler úshin qordyń esep nómiri:

«Shahtınsk qalasyndaǵy Shahan kentinde bolǵan tótenshe jaǵdaıdan zardap shekkenderge kómek kórsetý qory» jeke qaıyrymdylyq qory.

«Tsesnabank» AQ-nyń Qaraǵandy qalalyq fılıaly 

BIN/IIN: 170140001103

Esep KZT KZ58998HTB0000352677

Kod KBE 18

Bank rekvızıtteri 

BIK TSESKZKA

Mekenjaı: 100019, Qaraǵandy qalasy, Chkalov kóshesi 7/4

BANK BIN: 040541008233

Eske sala ketsek, 1 qańtar kúni 22 saǵat 40 mınýttar shamasynda Qaraǵandy oblysynyń Tótenshe jaǵdaılar departamentine Shahan kentinde kópqabatty úıdiń qulaǵany jóninde arnaıy habar kelip túsken. Oqıǵa ornynan tótenshe jaǵdaılar qyzmetiniń kúsh-qurylymdary men arnaıy tehnıkalary jóneltilip, turǵyndardy evakýatsııalaý jumystary júrgizildi.

Qıraǵan úıdiń úıindilerinen 9 adamnyń máıiti tabyldy. Olardyń úsheýi er adam, úsheýi áıel adam, taǵy úsheýi balalar. Resmı tizimdi Qaraǵandy oblysynyń tótenshe jaǵdaılar qyzmeti usyndy.

Qıraǵan úıge qatysty materıal QR QK 292-baby 3-bóligi boıynsha biryńǵaı sot aldy tergeý  tizilimine tirkeldi.

Qulaǵan úı 1987 jyly salynǵan. Ákimdiktiń aqparatyna sáıkes úıde 118 adam turǵan. Qulaǵan kireberiste 25 turǵyn bolǵan.