Shahanda opat bolǵandar men zardap shekkenderdiń otbasylaryna ótemaqy tólenedi
Qarajat barlyq apattyq-qalpyna keltirý jumystarynan artylǵan. Apatty jaǵdaıǵa beı-jaı qaramaǵan qazaqstandyqtar tarapynan jınalǵan qarajat apat saldarynan mert bolǵan toǵyz adamdy jerleý rásimine, zardap shekken eki adamnyń em alýyna, úıindilerdi taratý, bólshekteý jumystaryna, jańa jylý qazandyǵynyń qurylysy men qazandyqty jertóleden shyǵarýǵa jumsaldy.
«Ótemaqynyń naqty somasy ázirge belgisiz. Taıaýda bul úıdegi barlyq jumys túri aıaqtalǵannan keıin, opat bolǵandar jáne zardap shekken otbasylaryna beriletin qarajat somasyn anyqtaıtyn bolamyz. Qazirgi ýaqytta apatty oqıǵadan keıin qojaıyndary turýdan bas tartqan jeti páterdi qalpyna keltirý jumystary júrgizilip jatyr. Olarǵa naryqtyq baǵalarǵa sáıkes baspana berildi. Baspanaǵa muqtaj jandarǵa taza kúıinde berý úshin páterlerge jóndeý jumystaryn júrgizip jatyrmyz», - dedi «Tótenshe jaǵdaı saldarynan zardap shekken jandarǵa kómek kórsetý qory» jeke qaıyrymdylyq mekemesi qamqorshylyq keńesiniń tóraǵasy Jamal Mamerhanova.
Sondaı-aq bes qabatty turǵyn úıdegi jylý qazandyǵynyń jarylysy boıynsha atyshýly qylmystyq istiń kýágeri, qaıtys bolǵan ot jaǵýshynyń jesir áıeli men eki qyzy eki bólmeli páter alatyn bolady.
Qaıtys bolǵan azamattyń jesirine kómek retinde qordan mıllıon teńge berilgendigi budan buryn habarlanǵan bolatyn.