Shahanda kópqabatty úıdiń terezesinen 3 jasar bala qulap ketti
ShAHAN. QazAqparat – Qaraǵandy oblysy Shahan kentindegi kópqabatty úılerdiń biriniń terezesinen 3 jasar sábı qulap ketti, dep habarlaıdy QazAqparat tilshisi.
Oqıǵa 21 mamyrda Shahan kentinde boldy. 2018 jyly týǵan qyz bala aýyr halde medıtsınalyq mekemege jatqyzyldy.
Bıyldyń ózinde bul 1 jastan 8 jasqa deıingi balalardyń terezeden qulaýynyń 7 oqıǵasy.
Osyǵan baılanysty qutqarýshylar ata-analardan kishkentaı balalaryn qaraýsyz qaldyrmaýdy eskertedi.
Sondaı-aq, kelesi qaýipsizdik nusqaýlaryn nazarda ustaýdy usynady:
Bala terezege kóterile almaıtyndaı etip jıhazdyń barlyq túrlerin terezeden alystatyńyz.
Moskıt torlaryna senbeńiz! Olar qulaýdan qorǵaýǵa arnalmaǵan.
Terezelerge balanyń terezeni birneshe santımetrden artyq ashýyna jol bermeıtin arnaıy qysqyshtardy ornatyńyz.
Terezelerdiń qaýiptiligi týraly balalarmen sóılesińiz.
Múmkinshilik bolsa arnaıy qurylǵylar ornatyp, qalam terezelerdiń tutqalaryn alyptastap, tek qajetti jaǵdaıda ǵana paıdalanǵan jón.
