Shahanda eki mektep jóndeledi
ASTANA. QazAqparat - 1 qańtarda jylytý qazandyǵynyń jarylýy saldarynan zardap shekken Shahannyń qajettiligine oblystyq bıýdjetten 164,4 mıllıon teńge bólindi.
Qaraǵandy oblystyq máslıhaty depýtattarynyń sessııasynda 2017 jylǵa arnalǵan bıýdjetti naqtylaý maquldandy. Shahanda bıýdjet qarjysyna eki mektep jóndeledi. Osy maqsatta 63 mıllıon teńge bólindi, dep habarlaıdy óńir basshysynyń baspasóz qyzmeti.
Sonymen qatar, memleket qarjysy esebinen Gornaıa jáne Chaıkovskaıa kóshelerindegi joldar jóndeledi. Barlyǵy 11,4 mıllıon teńge jumsalmaq. Sondaı-aq, 90 mıllıon teńge «Novodolınka - Shahan - Molodetskoe» jolynda ortasha jóndeý jumystaryn júrgizýge baǵyttalady.
Shahtınsk ákimi Serjan Aımaqov oblys ákimdiginde ótken apparat otyrysynda Shahandaǵy 14 kóp qabatty turǵyn úıdiń jertólesinen shyǵarý týraly josparlarǵa toqtaldy. Esepteýler boıynsha, ol úshin 90 mıllıon teńge qajet. Zań boıynsha bıýdjet qarjysyn paıdalanýǵa bolmaıdy.
«Taǵy da bir qaıyrymdylyq qory quryldy, sonymen jumys isteıtin bolamyz. Sáýir aıynda bir qazandyq shyǵarylady, qalǵanyn 1 qarashaǵa deıin shyǵarý qajet», - dedi Serjan Aımaqov.
