Shahan oqıǵasyna baılanysty 5 sheneýnikke aıyp taǵyldy
QARAǴANDY. QazAqparat - Qaraǵandy oblysy Shahan eldi mekenindegi jylý qazandyǵynyń jarylý faktisi boıynsha kenttiń ákimi, onyń orynbasary, ákimdiktiń bas mamany, turǵyn úı sharýashylyq bóliminiń eki qyzmetkeri ózderiniń jumysyna salǵyrt qarady dep aıyp taǵyldy. Bul týraly «QazAqparat» HAA tilshisi habarlaıdy.
2017 jyly 1 qańtarda atalǵan eldi-mekendegi jylý qazandyǵynyń jarylý saldarynan toǵyz adam opat bolyp, eki adam zardap shekken bolatyn.
Oqıǵaǵa baılanysty kúdikke ilingenderdiń biriniń advokaty aıyp taǵylǵan sheneýnikterdiń eshqaısysy ózderine kinásin moıyndamaı otyrǵandyǵyn aıtty.
«Men qazir qylmystyq is materıaldarymen tanysyp jatyrmyn. Olarǵa QR QK «Qyzmettegi áreketsizdik» 370-baby boıynsha aıyp taǵylǵan», - dedi belgili sebepterge baılanysty óziniń aty-jónin atamaýdy ótingen advokat.
«Aıyp taǵylǵan ákimdik qyzmetkerleriniń barlyǵy jumys istep jatyr. Olardy eshkim qyzmetterinen bosatqan joq», - dedi ákimniń baspasóz qyzmeti.
