Shahan kentindegi turǵyn úı apatyna qatysty shuǵyl jeli ashyldy - Qaraǵandy oblysy
ASTANA. QazAqparat - Qaraǵandy oblysy Shahtınsk qalasyna qarasty Shahan kentindegi turǵyn úıdiń qulaý oqıǵasyna qatysty Shahan kenti ákimdigi qasynan shuǵyl jeli ashyldy: 8 (72156) 3-24-17. Bul týraly QR ІІM TJK resmı ókili Rýslan Imanqulov habarlaıdy.
Eske sala keteıik, 1 qańtar kúni 22:40-ta Qaraǵandy oblysy TJD qutqarý bólimine Shahtınsk qalasyna qarasty Shahan kentindegi kópqabatty úıdiń bir bóligi opyrylyp túskeni týraly habar túsken. Oqıǵa ornyna shuǵyl túrde TJD qutqarýshylary jóneltilip, turǵyndar evakýatsııalandy. Áýeli 1 adamnyń máıiti úıindi astynan shyǵarylǵan bolatyn. Keıin ekinshi turǵynnyń denesi úıindi astynan tabyldy.
