Shahan kentindegi qarttar úıinde KVI juqtyrǵandar sany 96 adamǵa jetti

QARAǴANDY. QazAqparat – Qaraǵandy oblysynyń sanıtarlyq-epıdemıologııalyq baqylaý departamenti Shahan kentindegi qarttar úıinde koronavırýs ınfektsııasy anyqtalǵan adamdardyń naqty sanyn habarlady. Búgingi tańda olardyń sany 96 adamdy qurady, dep habarlaıdy QazAqparat tilshisi.

Qaraǵandy oblysynyń sanıtarlyq epıdemıologııalyq baqylaý departamentiniń habarlaýynsha, Shahan kentinde ornalasqan «Qarttar men múgedekterdiń medıtsınalyq-áleýmettik mekemesi» KMM-de PTR zertteý nátıjeleri boıynsha 96 adamda koronavırýstyq ınfektsııa anyqtaldy, onyń ishinde 70-i qamqorlyqtaǵy azamattar jáne 26-sy osy mekemeniń qyzmetkerleri.

«Barlyq naýqastar aýrýhanaǵa jatqyzyldy, baılanysta bolǵandar oqshaýlandy jáne medıtsınalyq baqylaýda. Aýyr haldegi naýqastar joq. Epıdemııaǵa qarsy qajetti is-sharalar tolyq kólemde júrgizildi. Epıdemıologııalyq jaǵdaı baqylaýda», - dep habarlady vedomstvonyń baspasóz qyzmeti.

Esterińizge sala keteıik , Qaraǵandy oblysynyń Shahan kentinde koronavırýs ınfektsııasyn juqtyrý oqıǵasy tirkelgen bolatyn. Osyǵan baılanysty Shahtınsk qalasynyń bas sanıtarlyq dárigeri atalmysh eldi mekende shekteý sharalaryn qatańdatý týraly sheshim qabyldady. Jańa qaýly 2021 jylǵy 6 aqpanda saǵat 00-00-den bastap kúshine enedi.