Shaǵyn jınaqty mektepterdiń pedagogtary jalaqy tóleýdiń jańa júıesine kóshiriledi

NUR-SULTAN. QazAqparat – 2025 jylǵa qaraı aýyl mektepterin bilikti pedagogtarmen 100 paıyz qamtamasyz etý qajet. Bul týral búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«2025 jylǵa qaraı aýyl mektepterin bilikti pedagogtarmen 100 paıyz qamtamasyz etýimiz qajet. Osy turǵyda shaǵyn jınaqty mektepter pedagogtarynyń eńbekaqysyn tóleýdiń jańa jalaqy tóleý júıesine kóshý josparlap otyrmyz», - dedi Ashat Aımaǵambetov.

Onyń atap ótýinshe, aýyl mektepterindegi pedagogtar 2021 jyldan bastap – 18 saǵattyq júktemeden 16 saǵattyq júktemege, 2024 jyldan bastap – jańa júıege kóshýi qajet.

«Sonymen qatar aýylǵa jumysqa kelgen qalada oqyǵan jas mamandardy yńtalandyrý úshin jumysty óteý merzimin qysqartý, aýyl oqýshylary úshin «tsıfrlyq repetıtor» jobasyn engizý qarastyrylýda», - dedi mınıstr.