Shaǵyn jáne orta kásipkerlikpen eń kóp aınalysatyndar - Ońtústik Qazaqstanda
ShYMKENT. QazAqparat - Ońtústik Qazaqstan oblysy shaǵyn jáne orta kásipkerliktiń sany boıynsha oblystar arasynda birinshi orynda keledi.
2016 jyldyń qorytyndysy boıynsha, óńirdegi kásipkerlik sýbektileriniń sany 173 770 jetip, eldegi osy saladaǵy úlestiń 14,6 paıyzyn qurady, -dep habarlaıdy QazAqparat HAA tilshisi.
Oblysta kásipti damytý baǵytynda túrli memlekettik baǵdarlamalar júzege asyrylyp, qarjy-nesıelik qoldaý saıasaty jetildirilip keledi. Osy qoldaýlardyń arqasynda shaǵyn jáne orta kásipkerlik sany men olarmen óndiriletin ónimderdiń kólemi artýda. Máselen, ótken jyldyń toǵyz aıynda shaǵyn jáne orta kásipkerlik sýbektilerimen óndirilgen ónim kólemi 627,6 mlrd. teńgeni qurap, 2015 jyldyń tıisti kezeńimen salystyrǵanda 44 mlrd. teńgege nemese 7,5%-ǵa ósken.
Qyzmet kórsetý ortalyǵy bir jyl ishinde óńirdegi shaǵyn jáne orta bıznestiń damýyna úlesin qosyp otyrǵan 37 232 kásipkerge kómek kórsetti. Sonymen qatar, óz isin bastaımyn degen 2 339 azamatqa «Jumyspen qamtý 2020» baǵdarlamasy aıasynda qarjylaı (6,6 mlrd.tg.) qoldaý kórsetildi.
«Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy iske asyrylǵaly beri jalpy quny 628,3 mlrd. teńgeni quraıtyn 1 300 joba maquldanyp, 17 981 jumys orny ashyldy. Onyń ishinde, 2016 jyly 146,2 mlrd. teńgege 303 joba iske qosylyp, 2 126 jumys orny quryldy.
Al, kásipkerlikti qoldaý maqsatynda, «Ońtústik» aımaqtyq ınvestıtsııalyq ortalyǵy jobalardy 7% mólsherinde nesıelendirýde. Aýyldar men shalǵaıdaǵy eldi mekenderdegi kásipkerlikti qoldaıtyn ortalyq 2016 jyly 7,4 mlrd. teńgeni quraıtyn aýyl sharýashylyǵy baǵytyndaǵy 2024 jobany qarjylandyrǵan. Nátıjesinde 1 635 turaqty jáne 3 myńǵa jýyq maýsymdyq jumys oryndary ashyldy.
