Shaǵyn jáne orta bıznestiń máseleleri ashyq aıtylýy kerek - Máýlen Áshimbaev
NUR-SULTAN. QazAqparat – Parlament Senatynyń Tóraǵasy Máýlen Áshimbaev qazirgi kezeńde shaǵyn jáne orta bıznes salasynda qalyptasqan qıyndyqtarǵa Úkimet te, Parlament depýtattary da basa mańyz berýi kerektigin aıtyp ótti, dep habarlaıdy QazAqparat tilshisi.
«Shaǵyn jáne orta bıznesti ásirese qazirgi tańda, koronavırýspen kúres júrip jatqan kezde damytýda máseleler baryn túsinemiz. Mańyzdy problemanyń biri – shaǵyn jáne orta bızneske qoljetimdi qarajat bólý. Esep komıtetiniń baıandamasynda Natalıa Godýnova osynaý mańyzdy máselege erekshe atalyp ótkenin bilesizder. Jalpy eger qarjyldandyrý bolmasa – bıznes te damymaıdy. Sol sebepti kásipkerler qoljetimdi nesıelik resýrstarǵa qatysty áli de shaǵym aıtyp keledi. Ekonomıkany nesıeleýdiń baıaýlaý tendentsııasy baıqalady. Mundaı jaǵdaıda ShOB sektoryn qarjylandyrý bastamasyn qoldaımyz», - dedi Máýlen Áshimbaev Parlament Senatynyń otyrysynda.
Parlament Senatynyń Tóraǵasy áıtse shaǵyn jáne orta bızneske qatysty basqa da máselelerdiń ashyq aıtylýy kerektigin eske saldy.
«Eger biz olar týraly aıtpasaq, ShOB sýbektileriniń jabylýymen betpe-bet kelýimiz múmkin. Postkarantındik kezeńnen keıin mıkrokásiporyndardyń jaǵdaıy ýshyǵyp ketýi yqtımal. Sol sebepti bárimiz tize biriktirip, Úkimettiń de, Ulttyq ekonomıka mınıstrliginiń de usynystaryn qaraýǵa daıynbyz», - dedi ol.
