Shaǵyn jáne orta bıznestegi franchaızıngtiń úlesi 2015 jylǵa deıin 35 paıyzǵa jetedi - QR Franchaızıng qaýymdastyǵynyń tóraǵasy
ALMATY. Naýryzdyń 3-i. QazAqparat /Erlik Erjanuly/ - Qazaqstanda franchaızıngti damytýdaǵy ekinshi tolqyn bastaldy.
Bul búgin Almatyda «Franchaızıng - ózektiligi, problematıkasy, sheshý joldary» dep atalatyn respýblıkalyq konferentsııada aıtyldy, dep habarlaıdy QazAqparat.
«Qazaqstanda franchaızıngtiń damýyndaǵy alǵashqy tolqyn 10 jylǵa sozyldy. Bul ýaqytta memleket tarapynan arnaıy zań qabyldanyp, Qazaqstan zııatkerlik menshikti qorǵaýǵa baılanysty birqatar halyqaralyq konventsııalarǵa qosyldy. Arnaıy ádebıetter shyǵarylyp, aımaqtarda semınarlar uıymdastyryldy. Endi QR Franchaızıng qaýymdastyǵy aldyna mynadaı mindetter qoıyp otyr. Bes jylda shaǵyn jáne orta bıznestegi franchaızıngtiń úlesin 3-ten 35 paıyzǵa deıin jetkizý. Al qazaqstandyq franchaızıngterdiń sanyn 100-ge jetkizý», deıdi QR Franchaızıng qaýymdastyǵynyń tóraǵasy Vıacheslav Sıdelnıkov. Buǵan 2010-2015 jyldarǵa arnalǵan franchaııngti qoldanyp shaǵyn jáne orta bıznesti damytýdyń keshendi sharalary múmkindik bermek. Bul baǵdarlamada kásipkerlikti damytýǵa qatysty barlyq múddeli taraptardyń naqty jospary jasalady dep josparlanyp otyr.
