Shaǵyn jáne orta bızneske jeńildikpen nesıe berý baǵdarlamasy uzartylady
Memleket basshysynyń daǵdarysqa qarsy bastamalary sheńberinde naýryzdan bastap jalpy somasy 600 mlrd teńgege qarjylandyrý lımıtimen shaǵyn jáne orta bıznesti (ShOB) qoldaý úshin jeńildikpen kredıtteý baǵdarlamasy iske asyrylyp keledi.
«Baǵdarlama tótenshe jaǵdaıdy engizý nátıjesinde zardap shekken qarjylyq jaı-kúıiniń nasharlaýy baıqalatyn ShOB sýbektilerin qoldaýǵa baǵyttalǵan. Qarjylyq jaǵdaıdyń nasharlaýyna taýarlardy/qyzmetterdi satýdyń tómendeýi, satyp alýshylardan tólemniń keshiktirilýi, qyzmetkerlerdiń shtat sanynyń qysqarýy negiz bolýy múmkin. Qaryz alýshy qarjylyq jaǵdaıynyń nasharlaýyn rastaý úshin bankke tıisti qujattardy usynady»,– deıdi Esjan Birtanov.
Qaryzdar kásiporyndarǵa jyldyq 8%-ǵa deıin syıaqy mólsherlemesi boıynsha aınalym qarajatyn tolyqtyrýǵa beriledi. Baǵdarlamany qoldanǵan ýaqytta 536 mlrd teńge somasyna 2 207 ótinim qabyldandy, 1 279 shaǵyn jáne orta kásipkerlik sýbektileri 341,4 mlrd teńge somasyna qarjylandyryldy.
« Joldaýda aıtylǵan tapsyrmany eskere otyryp, bul baǵdarlama 2021 jyldyń sońyna deıin uzartylady, ony qarjylandyrý kólemi 800 mlrd teńgege deıin ulǵaıtylady. Bul rette, Úkimet «Atameken» ulttyq kásipkerler palatasymen birlesip aıqyndaǵan sektorlarda qoldaý kórsetetin bolady», - dep atap ótti Ulttyq bank tóraǵasynyń orynbasary.