Shaǵyn jáne orta bızneske nesıe 6-7 paıyzben berilýi tıis – Nurtaı Sabılıanov

ASTANA. QazAqparat – Májilis depýtaty Nurtaı Sabılıanov halyqtyń jaǵdaıyn jaqsartyp, turǵyndardyń máselesin sheshýde ne isteý kerektigin aıtty, dep habarlaıdy QazAqparat tilshisi.

«Prezıdenttiń qatysýymen ótken Úkimet keńesinde kóp dúnıe aıtyldy. Memleket basshysy elde bolyp jatqan jaǵdaılarǵa qatysty óz kózqarasyn bildirip, naqty tapsyrmalar berdi. Basty maqsat – halyqtyń ómir sapasyn arttyrý. Ol úshin ekonomıkany damytý qajet. Ekonomıka ońtaılandyrylsa, tıisinshe bıýdjetke túsetin qarjy da kóbeıe túsedi. Biraq, is naqty bolýy kerek. Eger biz shaǵyn jáne orta bıznesti damytamyz desek, jeńildetilgen nesıe berilýi kerek. Turaqty ári 6-7%-dan aspaýy tıis. Áıtpese qazirgi paıyzben eshqashan ekonomıkamyzdy da, kásipkerlikti de damyta almaımyz», – dedi Nurtaı Sabılıanov Jibek Joly telearnasyndaǵy «JJ Talk» baǵdarlamasynyń efırinde.

Sonymen qatar halyq qalaýlysy jergilikti atqarýshy organdardyń jumysyna qatysty oıyn ortaǵa saldy.

«Biz aýdan-aýyldardy aralap, halyqtyń máselesin tyńdap, ony Úkimettiń aldynda kóteremiz. Osy jerde Úkimet músheleri, ákimder nege halyq arasyna baryp, olardyń máselesin ózderi sheshpeıdi? Bul baǵytta Úkimet, jergilikti atqarýshy organdar jáne Parlament birlesip jumys istesek jumys nátıjeli bolady», - deıdi ol.