Shaǵyn jáne orta bıznes ókilderine 6%-ben 24 myń mıkrokredıt beriledi

NUR-SULTAN. QazAqparat – Ekinshi jartyjyldyqta «Jumyspen qamtý jol kartasy» baǵdarlamasy sheńberinde shaǵyn nesıelendirý iske qosylady, dep habarlaıdy QazAqparat tilshisi.

Bul týraly Ulttyq ekonomıka mınıstri Áset Erǵalıev Úkimet otyrysynda aıtty.

«Ótken jyly «Bıznestiń jol kartasy 2025» baǵdarlamasy aıasynda bıznesti mıkrokredıtteýdiń jańa baǵyty bastaldy. Osy baǵyt sheńberinde aınalym qarajatyna 5 mln-ǵa deıin jáne ınvestıtsııalyq maqsattarǵa 20 mln-ǵa deıin kredıtter beriledi», - deı kele, mınıstr 5 mln teńgege deıingi qaryzdardyń basym bóligi sońǵy qaryz alýshy úshin 6% mólsherleme boıynsha kepilsiz negizde berilip jatqanyn atady.

Áset Erǵalıev jyldyq mólsherlemesi 6% bolatyn mundaı bıýdjettik mıkrokredıtter «Eńbek» baǵdarlamasy sheńberinde qalalarda da, aýyldarda da berilip jatqanyn eske saldy.

«Ekinshi jartyjyldyqta «Jumyspen qamtý jol kartasy» baǵdarlamasy sheńberinde shaǵyn nesıelendirý iske qosylady. Bul mıkrokredıtter «Bastaý-Bıznes» túlekterine «Atameken» ulttyq kásipkerler palatasy quratyn Mıkroqarjy uıymy arqyly beriletin bolady. Jyl qorytyndysy boıynsha atalǵan baǵdarlamalar sheńberinde 24 myńnan astam kásipkerlik sýbektilerin shaǵyn nesıeleýmen qamtý josparlanýda», - dedi vedomstvo basshysy.