Shaǵyn jáne orta bıznes kásiporyndarynyń tabys salyǵyn jergilikti bıýdjetke qaldyrǵan durys - UEM
ASTANA. QazAqparat - Ulttyq ekonomıka mınıstrligi shaǵyn jáne orta bıznes kásiporyndarynan túsetin korporatıvtik tabys salyǵyn jergilikti bıýdjetke qaldyrýdy usynady.
Bul týraly búgin Senat depýtattarymen kezdesý barysynda Ulttyq ekonomıka vıtse-mınıstri Marat Qusaıynov málim etti.
«Bizde 300 iri-iri salyq tóleýshiniń tizimi bar, solardy respýblıkalyq bıýdjetke qaldyryp, qalǵan shaǵyn jáne orta bıznesti biz jergilikti bıýdjetke bere alamyz. Shyndyǵyn aıtqanda, biz mundaı bastamany 2012 jyly kóterip, Prezıdent Ákimshiligine deıin shyqqanbyz», - dedi Marat Qusaıynov.
Onyń sózine qaraǵanda, 2012 jyly atalmysh usynys qoldaý tappaǵan, alaıda mınıstrlik dál osy usynysty qaıtadan engizýge nıetti.
